फलटण : फलटण तालुक्यातील ग्रामीण क्रीडापटूंना नवनवीन संधी, त्यांच्या प्रतिभेला वाव आणि क्रीडा क्षेत्र विकासाच्या संधी निर्माण करण्यासाठी फलटण तालुक्यात आधुनिक सुविधांनी युक्त भव्य क्रीडा संकुल उभारण्याचा मनोदय आ. सचिन पाटील यांनी व्यक्त केला आहे.
सातारा जिल्हा परिषद प्राथमिक शिक्षण विभाग, आयोजित ऑलिंपिक वीर खाशाबा जाधव फलटण तालुकास्तरीय कुस्ती स्पर्धेचे उद्घाटन वाखरी, ता. फलटण येथे आ. सचिन पाटील यांचे हस्ते समारंभपूर्वक झाले. ग्रामीण भागातील कुस्तीपटूंना प्रोत्साहन व उत्तेजन देण्यासाठी सातारा जिल्हा परिषदेच्यावतीने हा उपक्रम राबविला जातो.
स्थानिक कुस्तीपटूंना स्वयंप्रेरणेने विनामोबदला प्रशिक्षण देऊन राज्य आणि राष्ट्रीयस्तरापर्यंत पोहोचविण्याचे काम कष्टाने व जिद्दीने करणाऱ्या जय हनुमान तालीम क्रीडा संकुल वाखरी यांचे विशेष कौतुक करताना त्यांच्या कामात मदत करण्याचे स्पष्ट आश्वासन यावेळी आ. सचिन पाटील यांनी दिले व शैक्षणिक गुणवत्तेबरोबर शारीरिक विकासाचे महत्त्वही त्यांनी यावेळी अधोरेखित केले.
उद्घाटन समारंभात शिवछत्रपती क्रीडा पुरस्कार २०२४ ने सन्मानित आंतरराष्ट्रीय हॉकीपटू कु. अक्षदा ढेकळे आणि यावर्षी शालेय कुस्तीमध्ये राज्य व राष्ट्रीय स्तरावर उत्तम कामगिरी करणाऱ्या कु. अमृता ढेकळे, कु. वैष्णवी ढेकळे, कु. स्नेहा ढेकळे, कु. राधिका जाधव, कु. सानिया जाधव या वाखरी येथील खेळाडूंचाही आमदार पाटील यांच्या हस्ते सत्कार करण्यात आला.
सदर स्पर्धा अत्यंत खेळीमेळीच्या वातावरणात निष्पक्षपातीपणे पार पडल्या. या स्पर्धेत विविध वजन गटात पुढील स्पर्धकांनी विजेते पदे पटकावली – कु. आराध्या शिंदे, कु. ज्ञानदा शेंडगे, कु. आराध्या तांबे, कु. प्रगती सूळ, कु. सई ढेकळे (वाखरी), कृष्णा लोखंडे ओम लोखंडे (पीरसाहेब नगर, ढवळ), कु. आदिश्री तांबे (वडले), कु. प्रतिभा लोंढे, अमर पवार (बागेवाडी), निर्भय ढेकळे (वाठार निंबाळकर), वरद भोसले, रुद्र गायकवाड (ढवळ), मयूर धायगुडे, अभिषेक ठोंबरे, सोहम सावंत (मुळीकवाडी) हे विद्यार्थी जिल्हास्तरावर आपापल्या वजन गटात फलटण तालुक्याचे प्रतिनिधीत्व करणार आहेत.
या स्पर्धेच्या आयोजनात वाखरी येथील जय हनुमान क्रीडा संकुल व वाखरी ग्रामस्थांनी मोलाचे सहकार्य केले. स्पर्धेचे अधिकृत पंच म्हणून हिंदुराव लोखंडे, अजय कदम, रमेश थोरात, सुनील लोखंडे यांनी काम पाहिले. याप्रसंगी महाराष्ट्र केसरी शिवछत्रपती पुरस्कार विजेते पै. बापूराव लोखंडे, संदिप चोरमले, सरपंच सौ. शुभांगीताई शिंदे, सरपंच आळजापुर शुभम नलवडे, तुकाराम शिंदे, सुलभा मोहिते, दादा ढेकळे, संतोष ढेकळे, संदिप ढेकळे, पै. यशवंत तांबे, पै. संदीप शेंडगे, पै. स्वप्नील ढेकळे, पै. प्रमोद शिंदे, पै. राहुल सरक, पै. विक्रम कोकरे, पै. निलेश लोखंडे, पै. जयदीप गायकवाड, केंदप्रमुख सोमनाथ लोखंडे, व प्रा. शिक्षक/शिक्षिका संजय बोबडे, हिम्मत जगताप, संजय धुमाळ, बबन निकाळजे, दादासाहेब रणवरे, राजश्री कुंभार, लता दीक्षित, संगीता मगर, क्रीडा समन्वयक विकास भुजबळ व पांडुरंग निकाळजे, भोलचंद बरकडे, राजेंद्र सरक, रणजीत निंबाळकर, गणेश पोमणे, विशाल खताळ, संजय लोखंडे उपस्थित होते.
गटविकास अधिकारी सतिश कुंभार, गटशिक्षणाधिकारी अनिल संकपाळ, शिक्षण विस्तार अधिकारी अलका जाधव, दारासिंग निकाळजे, चन्नया मठपती, पारसे यांनी यशस्वी विद्यार्थ्यांचे अभिनंदन करुन जिल्हास्तर सहभागासाठी शुभेच्छा दिल्या.
