फलटण : माढा लोकसभा मतदार संघाचे माजी खासदार रणजितसिंह नाईक निंबाळकर यांचे आज तडवळे ता. फलटण येथे महिलांनी उत्स्फूर्त स्वागत केले. लाडक्या बहिणींनी त्यांच्या हाती राखी बांधून महायुतीचे उमेदवार सचिन कांबळे पाटील यांना मताधिक्य देण्याचा निर्धारही महिलांनी व्यक्त केला.
फलटण विधानसभा मतदार संघातील विधानसभा निवडणुकीसाठी महायुती मधून राष्ट्रवादी काँग्रेस पार्टीच्यावतीने घड्याळ या चिन्हावर सचिन कांबळे पाटील हे निवडणुकीच्या रिंगणात आहेत. त्यांच्या प्रचार दौऱ्यात रणजितसिंह नाईक निंबाळकर हे तडवळे येथे गेले असता त्यांचे लाडक्या बहिणींच्यावतीने उत्स्फूर्त स्वागत करण्यात आले. यावेळी त्यांच्या समवेत निवृत्त सनदी अधिकारी विश्वासराव भोसले, महानंदाचे माजी संचालक डी. के. पवार, शिवसेनेचे विठ्ठलराव गायकवाड, रयत क्रांती संघटनेचे जिल्हाध्यक्ष अमोल खराडे, तडवळे विकास सोसायटीचे चेअरमन सिराजभाई शेख, व्हाईस चेअरमन पांडुरंग खराडे, माजी चेअरमन राजेश खराडे, पोपटराव खराडे, माजी सरपंच रामचंद्र खराडे, माजी पोलीस पाटील पोपटराव खराडे, प्रदीप खराडे, रमेश गायकवाड, मोहन खराडे, विजय खराडे, सतीश खराडे, रवींद्र सूर्यवंशी, नंदू गाढवे, सचिन गाढवे, शेखर खराडे, उज्वल खराडे आदींसह ग्रामस्थ व महिला मोठ्या संख्येने उपस्थित होत्या.
