फलटण : ग्राहक पंचायत महाराष्ट्रचे २०२५ चे राज्यस्तरीय अधिवेशन दि. १९ व २० जुलै रोजी धाराशिव येथे आयोजित करण्यात आले आहे. तरी या अधिवेशनात राज्यभरातील कार्यकर्त्यांनी मोठ्या संख्येने सहभागी व्हावे असे आवाहन राज्याध्यक्ष डॉ. विजय लाड यांनी केले आहे.
धाराशिव येथे राज्य अध्यक्ष डॉ.विजय लाड यांच्या अध्यक्षतेखाली तयारी आढावा बैठक पार पडली. त्यावेळी ते बोलत होते. यावेळी राज्य संघटक सर्जेराव जाधव, राज्य सचिव अरुण वाघमारे, राज्य
सहसंघटक मेधाताई कुलकर्णी, मराठवाडा विभाग संघटक हेमंत वडने, जिल्हाध्यक्ष अजित बागडे, लातूर जिल्हाध्यक्ष प्रल्हाद तिवारी, जिल्हा उपाध्यक्ष प्रमोद कांबळे, जिल्हा सचिव आशिष बाबर, संघटक रवी पिसे, सहसंघटक विशाल शिंदे, शरद वडगावकर आदींची उपस्थिती होती.
सदर बैठकीत आगामी अधिवेशनाच्या नियोजनासह व्यवस्थेसंदर्भात सविस्तर चर्चा करण्यात आली. यावेळी राज्य सचिव अरुण वाघमारे यांनी अधिवेशनाच्या तयारीचा आढावा घेतला. या अधिवेशनात शासकीय अधिकारी, विविध विषय तज्ञ मंडळी विविध विषयांवर मार्गदर्शन करणार आहेत. या वेळी विभागनिहाय दिला जाणारा शेतकरी, उद्योजक व्यापारी, श्रमिक व ग्राहक हा पंचप्राण पुरस्कार व उत्कृष्ट कार्यकर्ता पुरस्कार वितरण सोहळा संपन्न होणार आहे. तरी राज्यातील जास्तीत जास्त सदस्य व कार्यकर्त्यांनी https://docs.google.com/forms/d/e/1FAIpQLSfcV1TGhK5X8S84AviCzF1nsDAYWYBntowF4P0L5cchH66tgQ/viewform?usp=header
या लिंकवरुन ऑनलाईन नोंदणी करावी असे आवाहन संघटनेच्यावतीने करण्यात आले आहे.
