फलटण : महाराष्ट्र राज्य माध्यमिक व उच्च माध्यमिक शिक्षण मंडळ कोल्हापूर विभागातर्फे आयोजित केलेल्या एस एस सी बोर्ड परीक्षा मार्च २०२५ ची मालोजीराजे शेती विद्यालय जुनियर कॉलेज, फलटण केंद्र क्रमांक १००३ येथे दि. २१ फेब्रुवारी ते १७ मार्च २०२५ या कालावधीत पार पडणार आहे. त्याची बैठक व्यवस्था जाहीर करण्यात आली आहे.
सदर केंद्रावर एकूण ३९८ विद्यार्थी परीक्षा देणार आहेत. परीक्षा क्रमांक एफ झिरो २५५५८ ते एफ झिरो २५९५५ या क्रमांकाच्या विद्यार्थ्यांची बैठक व्यवस्था येथे करण्यात आली आहे. विद्यार्थ्यांनी वरील केंद्रावर बोर्डाने प्रकाशित केलेले अधिकृत वेळापत्रकाप्रमाणे प्रवेश पत्रिका, रिसीट, ओळखपत्र, लेखन साहित्य घेऊन शालेय गणवेशात वेळेपूर्वी अर्धा तास अगोदर उपस्थित राहावे. उशिरा येणाऱ्या विद्यार्थ्यास परीक्षा कक्षात प्रवेश दिला जाणार नाही. विद्यार्थ्यांना परीक्षा केंद्रावर भ्रमणध्वनी, टॅबलेट, इलेक्ट्रॉनिक घड्याळ, स्मार्ट वॉच, पॉकेट, कॅल्क्युलेटर, इलेक्ट्रॉनिक साधने बाळगण्यास सक्त मनाई आहे. विद्यार्थ्याने कोणत्याही गैर मार्गाचा अवलंब न करता कॉपीमुक्त वातावरणात निर्भयपणे परीक्षा द्यावी तसेच परीक्षा व्यवस्थितपणे पार पाडण्यासाठी विद्यार्थी व पालकांनी सहकार्य करावे असे आव्हान केंद्र संचालक मनोज कदम, उपकेंद्र संचालक विजयकुमार पाटील, राकेश नलावडे, उत्तम घोरपडे, प्राचार्य संजय वेदपाठक, उपप्राचार्य बाळकृष्ण काळे यांनी केले आहे.
