फलटण : गेल्या पंचवीस वर्षात जो विकास झाला नाही तो रणजितसिंह नाईक निंबाळकर यांच्या नेतृत्वाखाली गेल्या पाच वर्षात झाला हे जनतेच्या लक्षात आले आहे. त्यामुळे फलटण शहर व तालुक्यातील जनता लोकसभेप्रमाणे याही निवडणुकीत रणजितसिंह नाईक निंबाळकर व राष्ट्रवादी काँग्रेसचे उमेदवार सचिन कांबळे पाटील यांच्या पाठीशी ठामपणे राहील असा विश्वास सातारा जिल्हा परिषदेच्या माजी सदस्या जिजामाला नाईक निंबाळकर यांनी व्यक्त केला आहे.
फलटण शहरात वॉर्ड क्र. नऊ मध्ये सचिन पाटील यांच्या प्रचारार्थ जिजामाला नाईक निंबाळकर यांनी घरोघरी जाऊन मतदारांशी संवाद साधला, त्यावेळी त्या बोलत होत्या.
तालुक्याच्या सर्वांगीण विकासासाठी व फलटण शहरांमध्ये सर्व प्रकारच्या सुखसुविधा, हॉस्पिटल, शाळा, ड्रेनेज सिस्टीम आणि स्वच्छ पाण्याची सोय यासाठी फलटण शहर व फलटण तालुका लोकसभेप्रमाणेच भक्कमपणे विधानसभेलाही रणजीतदादा यांच्याच पाठीशी राहील. फलटण शहर व तालुक्यातल्या सर्व लाडक्या बहिणी मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजितदादा पवार रणजीतसिंह नाईक निंबाळकर सचिन पाटील तसेच महायुतीच्या पाठीशी ठामपणे राहतील असा विश्वासही जिजामाला नाईक निंबाळजार यांनी या वेळी व्यक्त केला.
प्रारंभी प्रचाराचा शुभारंभ श्री स्वामी समर्थ मंदिर येथे मान्यवरांच्या हस्ते नारळ फोडून करण्यात आला. या नंतर निंबाळकर यांनी घरोघरी जाऊन मतदारांशी संवाद साधत सचिन पाटील यांना विजयी करण्याचे आवाहन केले. या प्रचार फेरीत वॉर्ड क्र. नऊ मधील महिला व नागरिक मोठ्या संख्येने सहभागी झाले होते.
