फलटण : फलटण येथील प. पू. गोविंद महाराज उपळेकर समाधी मंदिर संस्थेच्या वतीने प.पू. गोविंद महाराज उपळेकर यांच्या १३७ व्या जन्मोत्सव सोहळ्याचे २८ ते ३१ जानेवारीदरम्यान आयोजन करण्यात आले आहे.
या सोहळ्यातील दैनंदिन कार्यक्रम असे –
हरिभजन : दु. ३ ते ५ वा., प्रवचन सेवा : सायं. ५.३० ते ७ वा., ‘श्रीं’ची आरती : सायं. ७. १५ वाजता.
मंगळवार, दि. २८ जानेवारी रोजी दुपारी ३ ते ५ भजन (केशवस्मृती भजनी मंडळ), प्रवचन सायं. ५.३० ते ७ वाजता ‘श्री सद्गुरु संतवर्य योगीराज शंकर महाराज यांचे चरित्र व शिकवण’ या विषयावर. प्रवचनकार : ह.भ.प.स्वामी शंकरनाथ महाराज, आळंदी- पुणे.
बुधवार, दि. २९ जानेवारी रोजी दुपारी ३ ते ५ केसकर मावशी भजनी मंडळाचे भजन.
गुरुवार दि. ३० रोजी दुपारी ३ ते ५ शारदा भजनी मंडळाचे भजन.
शुक्रवार, दि. ३१ जानेवारी रोजी ‘श्रीं’चा १३७ वा जन्मोत्सव सोहळा माघ शु॥ २ शके १९४६ पहाटे ४ वाजता ‘श्रीं’चा जन्मकाळ, पहाटे ६ ते ८. ३० लघुरुद्र, सकाळी ९ ते १२ : जय गिरनारी श्री दत्त पंथी सोंगी भजनी मंडळ वलझडवाडी (खंडाळा) यांचा सोंगी यांचा भजनाचा कार्यक्रम, दुपारी १२.३० ते ३ : महाप्रसाद, दुपारी ४ ते ६ : श्री उत्तरेश्वर भजनी मंडळ दहाबिघे, विडणी यांचा भजनाचा कार्यक्रम, सायं. ६ ते ७ : ‘श्रीं’ची फलटण शहरामध्ये पालखी प्रदक्षिणा, सायं. ७. १५ वा. : ‘श्रीं’ची आरती.
या सोहळ्याचा लाभ सर्व भक्तांनी घ्यावा, असे आवाहन प.पू.गोविंद महाराज उपळेकर समाधी मंदिर संस्था फलटणचे अध्यक्ष आमदार रामराजे नाईक निंबाळकर, अनिरुद्ध रानडे (उपाध्यक्ष), हेमंत रानडे (कोषाध्यक्ष), सुभद्राराजे नाईक निंबाळकर (सचिव), बाळकृष्ण कणसे, अनिल राधाकृष्ण तेली, प्रविण रणवरे, शंतनु रुद्रभटे व महेश बरसावडे यांनी केले आहे.
