फलटण : साखरवाडी शिक्षण संस्थेने खेळ,क्रिडा स्पर्धा परीक्षेत नेत्रदिपक कामगिरी केली आहे. पालकांच्या व विद्यार्थ्यांच्या सोयीसाठी लवकरच उच्च माध्यमिक शिक्षणाचेही वर्ग सुरु करणार अशी ग्वाही विश्वस्त समितीचे अध्यक्ष तथा जेष्ठ नेते प्रल्हादराव साळुंखे (पाटील) यांनी दिली.
साखरवाडी शिक्षण संस्थेच्या सर्व विभागांचे ७९ वे वार्षिक स्नेहसंमेलन व पारितोषिक वितरण समारंभ साखरवाडी ता. फलटण येथे पार पडला त्यावेळी मार्गदर्शन करताना ते बोलत होते. कार्यक्रमाच्या अध्यक्षस्थानी संस्थेचे अध्यक्ष धनंजय साळुंखे (पाटील) होते. प्रमुख पाहुणे म्हणून पुणे येथील माजी विद्यार्थी नंदकुमार कुलकर्णी, अनिल पटवर्धन व आयर्वेदाचार्य हरिश पाटणकर यांची उपस्थिती होती.
यावेळी बोलताना नंदकुमार कुलकर्णी म्हणाले की, आम्ही या शाळेत शिकताना जे शिक्षण व संस्कार मिळाले. या पायावरच आमची जडण घडण घडली व उच्च शिखर गाठले. आयुष्यात शाळेसाठी आमच्या मनात एक कप्पा असून सर्व आठवणी यातून आठवतात. विद्यार्थ्यांनी मोबाईलचा दुरुपयोग टाळावा व खेळ व आरोग्य उत्तम राखून उज्वल यश संपादन करावे असे त्यांनी सांगितले.
अनिल पटवर्धन यांनी या वेळी सांगितले की, या शाळेत शिकताना प्रत्येक उपक्रमात आमचा सहभाग होता. विद्यार्थ्यांनी शालेय जीवनात वेळेचे नियोजन करणे महत्वाचे आहे. यावरच आयुष्यात उच्च यश गाठता येते. यावेळी त्यांनी शाळेसाठी विद्यार्थी व विद्यार्थ्यांनीसाठी सुसज्ज प्रसाधन गृह आमच्या सहकाऱ्यामार्फत बांधून देण्याचे जाहिर केले यांचा सर्वांनी टाळयांच्या गजरात स्वागत केले.
यावेळी हरिश पाटणकर यांनी सांगितले की, साखरवाडी ही सांस्कृतिक राजधानी आहे. या परिसराच्या संस्काराने मला परदेशी जाण्याची संधी मिळाली. उच्च गुण मिळालेले विद्यार्थी यश प्राप्त करतातच परंतू कमी गुण् मिळालेल्या विद्यार्थ्यांनी खचून न जाता व्यवसायीक शिक्षण स्वीकारावे व आपली प्रगती साधावी.
प्रारंभी प्रमुख मान्यवरांच्या हस्ते दीप प्रज्वलन करण्यात आले. विद्यार्थीनींनी उत्कृष्ट ईशस्तवन सादर केले. प्रमुख मान्यवरांना संविधान शाल, बुके देवून त्यांना सन्मानित करण्यात आले. पाहुण्यांचा परिचय नितीन शिंदे व मिंलीद फडतरे यांनी करुन दिला. यावेळी मार्च २०२४ गुणवंत विद्यार्थी व शिष्यवृती परीक्षा विविध क्रिडा स्पर्धा परीक्षेतील गुणवंत विद्यार्थ्याचा सत्कार करून त्यांना पारितोषिके देवून सन्मानित करण्यात आले. यावेळी आदर्श शिक्षक महादेव बाबा लांडगे, विलास सदाशिव जाधव, रोहिदास बापू गावित, सौ. मनिषा गाडेकर, सौ. शुभांगी भोईटे, सौ. अर्चना रणवरे यांना सन्मानचिन्ह व प्रमाणपत्र देवून सन्मानित करण्यात आले. सेवानिवृत शिक्षक संजय जिजाबा बोडरे व हरिदास दिगंबर सावंत यांना सन्मानित करण्यात आले.
करमणूकीच्या भव्य कार्यक्रमात ७०० विद्यार्थ्यांनी सहभाग घेतला. यावेळी ग्रामस्थांची मोठ्या संख्येने उपस्थिती होती. यावेळी माजी विद्यार्थी सुहास पटवर्धवन यांनी शाळेस दहा हजारची मदत दिली. यावेळी प्रकाश सांवत्सरीकचे प्रकाशन करण्यात आले.
या कार्यक्रमास संचालक राजेंद्र भोसले, राजेंद्र शेवाळे, कौशल भोसले सचिव सौ. उर्मिला जगदाळे, माजी मुख्याध्यापक प्र.नि.बोंद्रे, संपत चांगण, पर्यवेक्षक तु. ध. बागडे, संदीप चांगण, विद्या चांदगुडे यांचे सह माजी शिक्षक, माजी विद्यार्थी, शिक्षक, विद्यार्थी, सभासद मोठ्या संख्येने उपस्थित होते.
