फलटण : एकदंताय सामाजिक विकास संस्था, खटकेवस्ती ता. फलटण यांच्यावतीने दरवर्षी प्रमाणे गणेश जयंती निमित्त यंदाही अक्षय ब्लड बँक, पुणे यांच्या सहकार्यांने रक्तदान शिबिर आयोजित करण्यात आले होते. शिबिराचे उद्घाटन संस्थेचे मार्गदर्शक जेष्ठ नेते सुखदेव खटके यांच्या हस्ते करण्यात आले. यावेळी ५० रक्तदात्यांनी रक्तदान केले.
एकदंताय सामाजिक विकास संस्थेच्या माध्यमातून गणेश गणेश जयंती निमित्त सालाबादप्रमाणे रक्तदान शिबीर, गुणवंत विद्यार्थी सन्मान, अन्नदान, वृक्षारोपण आदी कार्यक्रम आयोजित करतात. त्यांनी वर्षभर केलेले सामाजिक कामे ऐकून समाधान वाटले. असे उपक्रम कौतुकास्पद आहेत असे हभप रामदास कदम महाराज यावेळी म्हणाले.
यावेळी महाराष्ट्र राज्य कला संचालनालय, मुंबई यांच्या वतीने घेण्यात आलेल्या शासकीय रेखा कला व रंगकाम (एलिमेंटरी) प्रमाणपत्र परीक्षेत हनुमान माध्यमिक विद्यालय व ज्युनिअर कॉलेज गोखळी येथील परीक्षेमध्ये उत्तीर्ण झालेल्या कु.भक्ती मचाले, कु.समृद्धी धुमाळ, कु.तेजल डुबल, कु.स्नेहल गावडे, कु.सानिका ढोबळे, कु.समृद्धी वनारसे, कुमार ओम थोरात यांना व
मॅग आणि माऊली फाउंडेशन यांच्यावतीने घेण्यात आलेल्या तालुकास्तरीय वकृत्व स्पर्धेमध्ये प्रथम क्रमांक हभप आदित्य कदम, तालुकास्तरीय बुद्धिबळ स्पर्धेत प्रथम क्रमांक अथर्व खटके, द्वितीय प्रतीक करे, मुलीमध्ये प्रथम श्रेया वळकुंदे, लहान गट तृतीय क्रमांक श्रावणी वळकुंदे,
वकृत्व स्पर्धा तनवी खटके व गणपत गायकवाड, निबंध स्पर्धा समर्थ खटके, चित्रकला स्पर्धा स्वरा मदने, हस्ताक्षर स्पर्धा तुषार पवार त्याचबरोबर
एकदंताय सामाजिक विकास संस्थेच्यावतीने घेण्यात आलेल्या किल्ला स्पर्धेतील समर्थ शिपकुले, आदित्य कदम, शिवराज चव्हाण, अथर्व खटके, शुभम आटोळे, यश सोनवलकर, स्वरूप घाडगे, यशराज घाडगे या सर्व गुणवंत विद्यार्थ्यांचा सत्कार करण्यात आला.
प्रारंभी मान्यवरांच्या हस्ते श्रीगणेश पूजन करण्यात आले. संस्थेचे अध्यक्ष सागर चव्हाण, सचिव सुनील चव्हाण, उपाध्यक्ष आकाश घाडगे, खजिनदार विकास गायकवाड व पदाधिकारी यांच्या हस्ते मान्यवरांचे स्वागत व सत्कार करण्यात आले.
यावेळी बजरंग खटके, माजी सैनिक पोपट भोसले, राजेंद्र गावडे-पाटील, अक्षय खटके, संतोष राऊत आदींनीही मनोगत व्यक्त केले.
राधेश्याम जाधव यांनी प्रास्ताविकात संस्थेच्या वतीने गत वर्षी राबवण्यात आलेल्या उपक्रमांची माहिती दिली. राधेश्याम जाधव यांनी सूत्रसंचालन केले व विकास गायकवाड यांनी आभार मानले.
कार्यक्रमास संतोष खटके, संजय गावडे, अक्षय गावडे, पोलीस पाटील राजेंद्र धुमाळ, सुभाष खटके, भीमराव खटके, तानाजी घाडगे, हनुमंत गायकवाड, तात्या खटके, सागर चव्हाण यांच्यासह खटकेवस्ती येथील महिला, विद्यार्थी व ग्रामस्थ उपस्थित होते.
